用 lulucard 揀卡：三步搵出每次簽賬最抵嗰張

香港人銀包有三四張信用卡好平常。問題係每張卡嘅回贈都分類別、分地點，仲有推廣期、登記同每月上限，根本記唔晒。結果好多人一律用同一張卡，白白蝕咗回贈。

lulucard 做嘅就係幫你計：你話俾佢知手上有咩卡、而家喺邊度、買緊乜，佢就話你知邊張最抵。

第一步：加入你手上嘅卡

喺「我的卡片」由卡片庫揀返你持有嘅卡。卡片庫按銀行分好，香港各大發卡機構嘅卡都搵到。

你加入嘅卡只會儲存喺你自己部手機，唔使開戶口，亦唔使登入。

第二步：揀地點同消費類別

先揀你喺邊度簽賬：香港、澳門、內地、日本、韓國、泰國、台灣或者其他海外地區。開咗定位嘅話，App 可以自動判斷你而家喺邊個地區。

然後揀消費類別，例如餐飲、超市、網購、交通、油站、電子產品。

第三步：睇排名，撳入去睇條件

你手上嘅卡會按回贈率由高至低排好，第一張就係今次最抵嗰張。

撳入任何一張卡，可以睇到：

• 每個類別嘅回贈率
• 要唔要登記、每月要簽幾多先有
• 回贈上限，大約簽幾多就封頂
• 推廣有效期
• 銀行官方條款連結，可以自己核對

回贈率顯示嘅係最高一級，達標條件就寫喺旁邊。睇清楚條件，先知道自己攞唔攞到。

海外簽賬：手續費已經扣咗

喺海外或者內地簽賬，大部分香港信用卡都收外幣手續費。lulucard 顯示嘅海外回贈已經扣咗手續費，所以你睇到嘅就係真正袋落袋嘅回贈。有啲卡扣完手續費仲係負數，即係用嚟簽外幣反而蝕。

進階：最紅自主獎賞同自選類別

如果你有滙豐信用卡，可以喺 App 入面設定你嘅「最紅自主獎賞」分配，回贈會照你嘅分配計。

有啲卡要自己揀回贈類別，例如 WeWa 卡同星展 Live Fresh，喺 App 揀好你選咗嘅類別，計出嚟嘅回贈就會跟返。

小貼士

銀行推廣經常變，lulucard 會跟住官方條款更新。發現有資料唔啱，歡迎電郵話俾我哋知。